Ինչ է ֆայլի ձևաչափը (ֆորմատը)
Ինչ է ֆայլի ձևաչափը և ինչի համար է այն պետք
Ֆայլի ձևաչափը դա ֆայլի կառուցվածքի ներկայացում է, որը հաղորդում է համակարգչի համակարգային ծրագրին (windows, ios, android ...), թե ինչպես ցուցադրել իր բովանդակությունը։
Ֆայլի ձևաչափը սովորաբար նշվում է նրա անվան մեջ՝ որպես կետով բաժանված մաս, օրինակ՝ անուն.txt։
Հասարակ լոզվով ասած՝ համակարգչի համար ֆայլը ֆայլ է, ընդհանրապես կապ չունի թե ինչ ֆայլ ենք հրամայում նրան բացել, լինի նկար, տեքստ, վիդեո ․․․։ Որպեսզի այդ ֆայլը ճիշտ աշխատի, ֆայլը բացելու հրամանը ստանալուց հետո համակարգային ծրագիրը նայում է իր բազայում (կոչվում է մանիֆեստ) տվյալ ֆայլի ձևաչափով ֆայլ բացող ծրագիր կա համակարգչում թե չէ։ Եթե կա ֆայլը բացում է այդ ծրագրով, եթե չկա գրում է, որ տվյալ ձևաչափով ֆայլը բացող ծրագիր չկա համակարգչում։
Ավելի հասարակ ձևով ասած՝ տորթ թխելու գործը պետք է խոհարարն անի, ոչ թե էլեկտրիկը։
Օրինակ՝ ունենք ֆայլ aaa.wmv (վիդեոի ֆայլ է)։ Եթե մեր համակարգչում wmv ձևաչափի ֆայլ բացող ծրագիր չունենանք, այս վիդեոֆայլը չենք կարող նայել, քանի որ windows համակարգային ծրագրի վիդեոդիտարկիչը wmv ձևաչափի ֆայլ բացելու հնարավորությում չունի։
Տեքստային .DOC ձևաչափով ֆայլը (microsoft office word ծրագրի ֆայլն է) կարելի է բացել այլ տեքստային ծրագրով, օրինակ windows -ի Блокнот - ով, ուղղակի ֆունկցիոնալ հնարավորությունները քիչ կլինեն։
Հաճախ լինում են դեպքեր երբ տվյալ ձևաչափի ֆայլ բացող մի քանի ծրագիր է լինում համակարգչում։ Դրանցից մեկը միշտ լինում է լռելյայն (По умолчанию)։ Հարկ եղած դեպքում մկի աջ քլիկի մեյուի Открыть с помощью կետով կարելի է ընտրել, թե որ ծրագրով բացել ֆայլը։
Կիսվել սոցցանցերում
